哈爾濱萬達室內場

September 12, 2018

 

相信鍾意滑雪既朋友都有聽過或者已經去過哈爾濱萬達室內滑雪場,開業已經一年幾,今次終於有機會去睇下暫時世界最大嘅室內場係咩料子啦😍

 

先講下行程,因為香港冇直航去哈爾濱,所以香港出發的話要轉機先會到既哈爾濱機場,全程差唔多要10個鐘😵仲有因為北京機場成日空管delay,我地就差Dde到差少少趕唔到班轉機😵😵 下次再有機會去會係深圳機場出發直飛。

 

酒店方面就揀左離個場遠少少嘅酒店,但都唔算好贵同好遠,平均一個人唔洗200蚊一晚❤就算去個滑雪場都唔洗行好多路。因為可以坐巴士2個站2蚊人仔,分分鐘仲行得少過萬達茂隔離個幾間大酒店。食飯,一定要食既係燒烤店,味道真係不得知了,同埋燒烤店總有一間係左近🤤

 

滑雪場- 唔好睇佢萬達茂外型好大,佢跟本係一個大商場,而滑雪場係得少部分😂比我想像中細好多haha,可能因為初級雪道同中高級雪道分開(初級係1樓,中高級係2樓)票價呢就好彩我嗰期有月票899一個月任玩,基本上如果你玩2日4個鐘以上已經可以買月票。

雪場温度佢寫-4c左右,真係好凍!著大褸完全冇問題!雪質都因為佢咁凍,玩落好爽,仲有D位可以叫得上係powder添(其實係冰粒)好多人玩carving板,直頭carving場!park嚟講應該佢地定期會換jib, rail既數量比box多,rail有肥有瘦有高有矮,但係有D位會好啜,要小心!box就比較少,但就因為比較闊同唔會太滑,所以非常岩初玩freestyle既朋友玩!跳台-有3個,但係因為塊板同埋自己問題,衝唔到去斜位所以玩左幾野已經冇玩haha求高手教學🙏🙇

 

總括嚟講哈爾濱萬達係的確幾好玩,因為除左滑雪場,仲可以係附近shopping,食嘢,商場旁邊有個大型遊樂場(過山車etc.),商場入面都有個遊樂場, 滑板嘅skate park等等,不妨一試。但如果想專心玩snowboard 嘅park,都係覺得北京喬波室內滑雪場會比較集中多變化!

 

再唔係,等多1年廣州都會有個室內場開❤會keep住夏天玩snowboard既朋友,除左世界之窗外又多個選擇🤤

 

 

 

Please reload

Recent Posts

Please reload

Archive

Please reload

Tags

Please reload

 

©2017 by one sixtieth media.